How to get a Home Loan in Myanmar | Interest Rates

နှစ်ရှည်အိမ်ရာချေးငွေ @ Home loan တွက်ချက် ပုံ

ယခုလို Stay at home နဲ့ Work from home ကာလမှာ အိမ် ဝယ်ချင်သူများအနေဖြင့် ဘာလို့ဝယ်သင့်လည်း။ ဘယ်လိုအခြေအနေမျိုးဆို ဝယ်ဖို့ မသင့်သေးဘူးလည်း ဆိုတာကို အဓိကထားရှင်းပြသွားမှာဖြစ်ပါတယ်။

အဓိကရှင်းပြပေးမယ့် အပိုင်းက တော့ ၃ပိုင်းရှိပါတယ်။

ချေးငွေတွက်ချက်ပုံ နှင့် ချေးငွေရရန် လိုအပ်ချက်များ
အပိုကျသင့်မည့် ဝန်ဆောင်ခများနဲ့ အာမခံ ခများ
အိမ်ရာချေးငွေ၏ အားသာချက် အားနည်းချက်များ

၁။ ချေးငွေတွက်ချက်ပုံ

အဓိက ကတော့ ဘဏ်တွေမှကောက်တဲ့ အတိုးနှုန်းထားပါ။ လောလောဆည် Covid-19 ကာလမှာ ဘဏ်တွေက အတိုးနှုန်းက တစ်နှစ်ကို ၁၀တိုး ၈ကျပ်တိုး စသည်ဖြင့် ငွေပေးချေမယ့် ပမာဏ ပေါ်မူတည် ပြီး သက်မှတ်ထားပါတယ်။

ဥပမာ အနေနဲ့တွက်ပြရမယ်ဆိုရင် ဝယ်သူလက်ထဲမှာ သိန်း ၁၀၀ ရှိတယ် ဆိုပါစို့။ ဘယ်လောက်တန် တိုက်ခန်းမျိုး ရှာလို့ရမလည်းဆိုတာ တွက်ပြပါမယ်။

၁.၁။ သိန်း ၃၃၀ တန် တိုက်ခန်း ဝယ်မယ်ဆို ကနဦးငွေ ၃၀ရာခိုင်နှုန်းဖြစ်တဲ့ ၉၉သိန်း ရှိရမှာ ဖြစ်ပါတယ်။

ကနဦး တန်ဖိုး ၃၀ရာခိုင်နှုန်း ဆို တစ်နှစ် အတိုး ၁၀ကျပ် နဲ့ ၁၅နှစ် ပေးချေမယ်ဆို အောက်ပါအတိုင်းကျသင့်မှာဖြစ်ပါတယ်။

Down Payment ၃၀%…………. ၉၉သိန်း

ဘဏ်မှ ချေးယူငွေ………………… ၂၃၁သိန်း

တစ်နှစ် အတိုးနှုန်း………………… ၁၀ရာခိုင်နှုန်း

ပေးချေရမည့်ကာလ…………….. ၁၅နှစ် အထိ

တစ်လလျှင် ဘဏ်သို့ပေးသွင်းရမည့်ငွေ …. ၂၄၀,၀၀၀ ကျပ် ဝန်းကျင် ခန့်ကျသင့်မှာ ဖြစ်ပါတယ်။

၁.၂။ ဘဏ်ချေးငွေလျှောက်ထားသူအတွက်လိုအပ်ချက်များမှာအောက်ပါအတိုင်းဖြစ်ပါတယ်။

ကနဦး ပေးသွင်းငွေ ၃၀ရာခိုင်နှုန်း…..၉၉သိန်း
ဝယ်ယူမည့်သူနှင့် ထောက်ခံမည့်သူ သည် ၁၈နှစ် မှ ၅၅နှစ်ကြား ဖြစ်ရပါမည်။
ရပ်ကွက် ထောက်ခံစာ ရဲစခန်း ထောက်ခံစာ တို့လိုအပ်မည်ဖြစ်သည်။
အိမ်ဝယ်ယူမည့်သူနှင့် ထောက်ခံမည့်သူ၏ လစဥ်ဝင်ငွေ အနည်းဆုံး ၅သိန်းခွဲခန့် ရှိရပါမည်။
လခစားဝန်ထမ်း ဖြစ်ပါက ဝယ်ယူမည့်သူ၏တစ်ဦးတည်းလစာ သို့မဟုတ် ထောက်ခံမည့်သူ နှင့် နှစ်ဦးပေါင်းလစာ သည် ၅သိန်းခွဲ ကျော်ရမည် ဖြစ်ပါသည်။ လက်ရှိကုမ္ပဏီမှ လစာ ထောက်ခံစာ လိုအပ်မည်ဖြစ်ပါသည်။
လုပ်ငန်းပိုင်ရှင်များ။ ကိုယ်ပိုင်လုပ်ငန်းလုပ်ကိုင်သူများ အတွက် ကတော့ လုပ်ငန်းလိုက်စင် နှင့် ကုမ္ပဏီ မှတ်ပုံတင် အချက်အလက်များ, ဝင်ငွေခွန်မှတ်တမ်း နှင့် ငွေကြေးရှင်းတမ်းများ လိုအပ်မှာဖြစ်ပါတယ်။
Oversea worker များနှင့် Seamen(သင်္ဘောသား)များအတွက်ကတော့ Passport, CDC, ဘဏ်သို့ လစာငွေလွဲမှတ်တမ်း ၆လစာ၊နောက်ဆုံး Contract နှင့် ရှိပါက လက်ရှိ Contract(သို့မဟုတ်) ကုမ္ပဏီ မှ Recommendation letter လိုအပ်မှာဖြစ်ပါတယ်။

အထက်ဖော်ပြပါ အချက်အလက်များနှင့်ကိုက်ညီပါက လျောက်လွှာတင်ပြီး ချေးငွေကျချိန်သည် ခန့်မှန်း ၄၅ရက် မှ ၂လ အထိ ကြာနိုင်ပါသည်။

၂။ အပိုထပ်ဆောင်း ကျသင့်ငွေ

မိမိလျှောက်ထားသော ဘဏ်အပေါ်မူတည်၍ ချေးငွေ၏ ၁.၅၀ ရာခိုင်နှုန်း(သို့မဟုတ်) ၂ရာခိုင်နှုန်း ကောက်ခံမည် ဖြစ်သည်။

မီးအာမခံ ကြေး ၁နှစ်စာ ပေးသွင်းရမည်ဖြစ်သည်။

၃။ အိမ်ရာချေးငွေ၏အားသာချက်များ

၃.၁။ လက်ရှိအတိုးနှုန်း က ၁၀ရာခိုင်နှုန်းသက်မှတ်ထားသဖြင့် အရင်က ၁၃ကျပ်မှ ၃ကျပ် အထိလျော့ထားပါတယ်။

၃.၂။ အတိုးနှုန်းက တစ်နှစ် ၁၀ရာခိုင်နှုန်း နှင့် တလလျှင် ၈၃ပြားခန့် ဖြစ်ပေမယ့် လက်ရှိဘဏ်မှာကျင့်သုံးနေတယ့် အတိုးရင်းပေါင်း Amortization ပေးချေမှု့ပုံစံကြောင့် တကယ့်ကျသင့်တိုးက တလ ၅၆ပြား နှင့် တစ်နှစ်လျှင် ၆ကျပ်ပြား၇၀ခန့်သာ ကျသင့်ပါတယ်။

ဥပမာ။ ။၃၃၀သိန်းအတွက် ချေးငွေ ၂၃၁သိန်းအတွက် အတိုးက ၁၅နှစ် ကို ၂၁၅သိန်းခန့်ကျသင့်မည်ဖြစ်ပါသည်။

၂၁၅သိန်းကို အတွက် တစ်နှစ်ကို ၁၄သိန်း ၃သောင်း ခန့်နဲ့ တစ်လကို ၁သိန်း၂သောင်းသာကျသင့်ပါသည်။

ထို့ကြောင့် ငွေသိန်း ၂၃၁သိန်း ချေးငွေ အတွက် အတိုးက တစ်လလျှင် ၁သိန်းနှစ်သောင်း သာကျသင့်မည်ဖြစ်ပါသည်။

သိန်း ၃၃၀ တန် အခန်းဝယ်ယူပါက အတိုးပါဝင်ပြီးကို ၂၄၀,၀၀၀ ကျပ်ခန့်သာကျသင့်မည်ဖြစ်ပါသည်။

၃.၂။ အိမ်ရာချေးငွေ၏ သတိထားရမည့် အချက်များ

အဓိက သတိပြုသင့်တာကတော့ အိမ်ရာချေးငွေ ဟာ နှစ်ရှည် ငွေပေးချေမှု ဖြစ်သည့်အတွက် မိမိနှင့် မိမိ မိသားစု အတွက် ၁၅နှစ်စာ ငွေပေးခြေနိုင်ဖို့ အတွက် စိတ်ရော ကိုယ်ပါပြင်ဆင် ထားဖို့လိုပါတယ်။ စိစိစစ်စစ် သုံးခြင်း၊ ပုံမှန်လစဥ်ပေးသွင်းငွေ နှင့် မိသားစု ကအသုံးစရိတ်အပြင် ငွေပိုငွေလျှံစုဆောင်းထားခြင်းက မိမိ အတွက် ရေရှည်မှာ အကျိုးရှိစေမှာဖြစ်ပါတယ်။

ဖြစ်သင့်တာကတော့ အိမ်ယာချေးငွေ သည် ဝင်ငွေ၏ ၃ပုံ ၁ပုံ သာဖြစ်သင့်ပါတယ်။
၂၅၀,၀၀၀ကျပ် လတိုင်းပေးသွင်းရမှာဖြစ်တဲ့ အတွက် ဝင်ငွေ အနည်းဆုံး ၇၅၀,၀၀၀ ခန့်ရှိပါက သက်တောင့်သက်သာ နဲ့ အိမ်ယာချေးငွေကို ပေးခြေနိုင်ပြီ အိမ်တစ်လုံး ကိုယ်ပိုင်ရရှိမှာဖြစ်ပါတယ်။